اسلام آباد میں نامعلوم ملزمان کی جانب سے فائرنگ کے نتیجے میں اسسٹنٹ سب انسپکٹر ( اے ایس آئی ) شہید اور ایک کانسٹیبل زخمی ہوگیا۔
اسلام آباد کے علاقے فیض آباد کے قریب نامعلوم ملزمان کی جانب سے پولیس اہلکاروں پر فائرنگ کا واقعہ پیش آیا جس کے نتیجے میں سی آئی اے اسلام آباد کے اسسٹنٹ سب انسپکٹر (اے ایس آئی) سدھیر عباسی شہید جبکہ کانسٹیبل جعفر شدید زخمی ہوگئے۔
واقعے کی اطلاع ملتے ہی تھانہ انڈسٹریل ایریا کی پولیس اور سیف سٹی حکام موقع پر پہنچ گئے۔
زخمی کانسٹیبل جعفر کو فوری طور پر اسپتال منتقل کر دیا گیا جہاں ان کا علاج جاری ہے۔
پولیس ذرائع کے مطابق فائرنگ کے بعد ملزمان موقع سے فرار ہوگئے تاہم پولیس نے ان کی تلاش کے لیے سرچ آپریشن شروع کر دیا ہے۔