نگران وزیراعظم انوارالحق کاکڑ کی زیر صدارت وفاقی کابینہ کااجلاس ہوا جس میں قومی سلامتی کمیٹی کے فیصلوں کی توثیق کردی گئی۔
ذرائع کا کہنا ہے کہ پاکستان نے ایران کے ساتھ حالیہ کشیدگی ختم کرنے کا فیصلہ کیا ہے ،وفاقی کایبنہ اجلاس میں ایران سے سفارتی تعلقات بحال کرنے کی منظوری دیدی گئی۔
کابینہ اجلاس میں نگران وزیر خارجہ نے بریفنگ دی،نگران وزیر خارجہ نے بتایا ایران حالیہ کشیدگی کوختم کرنا چاہتا ہے۔
وفاقی کابینہ کا کہنا ہے کہ پاکستان ہمسائیہ ممالک سے کشیدگی نہیں چاہتا،ہم نہیں چاہتے کہ ایران کےسا تھ تعلقات خراب ہوں۔ایران نے غلط اقدام کیا جس کا جواب دیا،سیکریٹری خارجہ نے بھی وفاقی کابینہ کو بریفنگ دی۔
قبل ازیں نگران وزیر اعظم انوار الحق کاکڑ کی زیر صدارت قومی سلامتی کمیٹی کا اجلاس ہوا۔