سابق صدر مملکت اور پاکستان پیپلز پارٹی پارلیمنٹیرینز (پی پی پی پی) کے چیئرمین آصف زرداری کو حلقہ این اے 207شہید بینظیر آباد سے پارٹی ٹکٹ جاری کردیا گیا ہے۔
پاکستان پیپلز پارٹی پارلیمنٹیرینز (پی پی پی پی) کے چیئرمین آصف زرداری کو پارٹی ٹکٹ سیکریٹری جنرل پیپلز پارٹی نیئر بخاری نے جاری کیا، آصف علی زرداری کا پارٹی ٹکٹ علی حسن زرداری نے وصول کیا،علی حسن زرداری نے پی ایس 76ٹھٹھہ سے اپنا ٹکٹ بھی وصول کر لیا۔
دوسری جانب پیپلزپارٹی نے قومی اسمبلی کی 7 اور صوبائی اسمبلی کی 13 نشستوں پر امیدواروں کا اعلان کر دیا۔
این اے 192 کشمور کی نشست پر میر شبیر علی بجارانی پیپلزپارٹی کے امیدوار ہونگے،این اے 200 سکھر سے نعمان السلام الدین شیخ پیپلزپارٹی کے امیدوار ہوں گے۔