شمالی وزیرستان میں میر علی بازار میں نامعلوم افراد کی فائرنگ سے پولیس اہلکار شہید ہوگیا۔ کانسٹیبل تھانا میر علی میں کمپیوٹر آپریٹر کے عہدے پر تعینات تھا۔ جان عالم کی نماز جنازہ پولیس لائن میرانشاہ میں ادا کر دی گئی۔نمازِ جنازہ میں ٹوچی کمانڈنٹ بریگیڈیئر عامرعباس، ڈسٹرکٹ پولیس آفیسر روخانزیب خان، ایڈیشنل ڈپٹی کمشنر اور ایس پی انویسٹی گیشن علی خان و دیگر اہلکار شریک تھے۔ جسد خاکی سرکاری اعزاز کے ساتھ ان کے آبائی گاﺅں ہرمز روانہ کر دیا۔