حالیہ برسوں میں نوجوانوں میں دل کے دورے (ہارٹ اٹیک) اور ذیابیطس کی شرح میں مسلسل نمایاں اضافہ دیکھا جارہا ہے جو عالمی سطح پر صحت عامہ کے لیے ایک تشویشناک رجحان ہے۔
ایک حالیہ رپورٹ کے مطابق، 2019 سے 2025 کے درمیان 18 سے 44 سال کی عمر کے افراد میں ہارٹ اٹیک کے کیسز میں 66% اضافہ ہوا ہے۔
ایک اور تحقیق میں بتایا گیا ہے کہ 40 سال سے کم عمر کے افراد میں ہارٹ اٹیک کے کیسز کی تعداد دوگنی ہو گئی ہے جو پہلے 10% تھی اور اب 20% ہو گئی ہے۔ ہارٹ اٹیک کے خ-ط-ر-ے میں اضافے کی وجوہات میں ذیابیطس، موٹاپا، ہائی بلڈ پریشر، کولیسٹرول کی زیادتی، تمباکو نوشی، ذہنی دباؤ، اور غیر فعال طرز زندگی شامل ہیں ۔
خ-ط-ر-ے کے عوامل
غیر صحت بخش خوراک: فاسٹ فوڈ، میٹھے مشروبات، اور پروسیسڈ فوڈز کا زیادہ استعمال۔
جسمانی سرگرمی کی کمی: بیٹھے رہنے والے طرز زندگی کا فروغ۔
ذہنی دباؤ: کام کا دباؤ، نیند کی کمی، اور سوشل میڈیا کا زیادہ استعمال۔
تمباکو نوشی اور منشیات: نوجوانوں میں سگریٹ نوشی اور دیگر منشیات کا بڑھتا ہوا رجحان۔