خضدار میں اسکول بس پر حملہ انسانیت سوز، بزدلانہ اور دل دہلا دینے والا عمل ہے : خدائے دوست مدوخیل
خضدار میں اسکول بس پر حملے کے افسوسناک واقعے پر قبائلی شخصیت خدائے دوست مندوخییل نے شدید غم و غصے کا اظہار کرتے ہوئے اسے ایک بزدلانہ، سفاک اور انسانیت سوز کارروائی قرار دیا ہے۔ انہوں نے کہا کہ معصوم بچوں کو دہشت گردی کا نشانہ بنانا نہ صرف قابل مذمت ہے بلکہ یہ انسانیت کے خلاف کھلی جنگ ہے۔
خدائے دوست مندوخیل نے کہا کہ اسکول جانے والے معصوم اور بے گناہ بچوں پر حملہ ایک ایسا دل دہلا دینے والا سانحہ ہے جس نے پوری قوم کو سوگوار کر دیا ہے۔ اس حملے سے ثابت ہوتا ہے کہ دہشت گرد کسی مذہب، قانون یا انسانیت کے قائل نہیں۔
میں حکومت وقت سے مطالبہ کرتا ہوں کہ ایسے بزدل عناصر کے خلاف سخت کارروائی کرے اور ان سفاک درندوں کو قانون کے کٹہرے میں لا کر نشان عبرت بنایا جائے ۔ اس موقع پر انہوں نے شہداء کے درجات کی بلندی، زخمیوں کی جلد صحتیابی اور لواحقین کے لیے صبر جمیل کی دعا کی۔