رات گئے بلوچستان میں 5 مختلف جگہوں پر دستی بم حملے ، کوئی جانی نقصان نہیں ہوا
کوئٹہ پولیس تھانہ نیو سریاب، کیچی بیگ تھانہ, بھاگ ناڑی پولیس تھانہ، ڈھاڈر لیویز تھانہ اور سبی ریلوے اسٹیشن پر بم دھماکہ۔
تفصیلات کے مطابق کوئٹہ شہر کے نیو سریاب پولیس تھانہ اور کیچی بیگ پولیس تھانہ میں نامعلوم موٹر سائیکل سوار دستی بم پھینک کر فرار ہوگئے جبکہ بھاگ ناڑی میں بھی پولیس تھانہ بھاگ پر نامعلوم افراد نے دستی بم پھینکا اسکے علاوہ لیویز تھانہ ڈھاڈر اور سبی ریلوے اسٹیشن کی عمارت پر بھی نامعلوم موٹرسائیکل سوار دستی بم پھینک کر فرار ہونے میں کامیاب ہوگئے۔
کسی بھی دھماکہ میں کوئی جانی نقصان رپورٹ نہیں ہوا جبکہ کوئٹہ میں پولیس تھانہ میں کھڑی ایک گاڑی کو معمولی نقصان پہنچا۔
