وزیراعظم شہبازشریف کا کہنا ہے کہ پی ٹی آئی نے غیر قانونی ہتھکنڈوں سے ملک کی بے عزتی کروائی،
وفاقی کابینہ کے اجلاس سے خطاب کرتے ہوئے انہوں نے کہا دھرنوں نے ملک میں ایک ہیجانی کیفیت پید ا کی تھی،اسلام آباد میں ہر طرف توڑ پھوڑ کررہے تھے۔
ایک دن میں اسٹاک ایکس چینج ساڑھے 3ہزار نیچے آگیا،صورتحال کی بہتری سے اسٹاک مارکیٹ نے نئے ریکارڈ قائم کئے،ہمیں معاشی استحکام کی طرف بڑھنا ہے۔
مہنگائی کا کم ترین سطح پر آنا پاکستانیوں کیلئے اچھی خبر ہے ،2018میں نوازشریف کے دور حکومت میں مہنگائی3.5فیصد تھی،طویل عرصے کے بعد اب مہنگائی کم ہو کر4.9 فیصد پرآگئی ہے۔
مہنگائی ہی وہ معاملہ ہے جس سے غریب براہ راست متاثر ہوتا ہے،مہنگائی میں کمی سے عام آدمی پر بوجھ کم ہوگا،70ماہ بعد پاکستان کی نومبر میں مہنگائی کم ترین سطح پر ہے۔
مہنگائی میں کمی آئی ہےاب ہمیں گروتھ کی طرف بڑھنا ہے،ہمیں معاشی استحکام کے ساتھ جی ڈی پی میں ترقی لانا ہے،معیشت ، برآمدات ، پروڈکشن اور لوکل انڈسٹری اہم اہداف ہیں۔