وزیراعظم نے احکامات جاری کرتے ہوئے سرکاری ملازمین کو سوشل میڈیا کا غیر ضروری استعمال اور ذاتی پروجیکشن کےغیرضروری استعمال سےروک دیا ہے۔
وزیراعظم میاں محمد شہباز شریف نے سوشل میڈیا ایڈوائزری جاری کرتے ہوئے سرکاری ملازمین کو سوشل میڈیا کا غیر ضروری استعمال اور ذاتی پروجیکشن کےغیرضروری استعمال سےروک دیا ہے، اسٹیبلشمنٹ ڈویژن نے باقاعدہ نوٹیفکیشن سوشل میڈیا ایڈوائزری جاری کردیا ہے۔
سوشل میڈیا پلیٹ فارمز سمیت مختلف میڈیا فورمز میں سرکاری ملازمین کی شرکت کو کنٹرول کرنے کے لیے جاری کیے گئے نوٹیفکیشن کے مطابق کوئی بھی سرکاری ملازم کسی بھی میڈیا پلیٹ فارم میں حکومت کی واضح اجازت کے علاوہ شرکت نہیں کر سکتاسرکاری ملازم کو کسی سرکاری ملازم کے ساتھ سرکاری معلومات یا دستاویز کا اشتراک کرنے سے روکتا ہے۔
سوشل میڈیا ایڈوائزری کے جاری کیے گئے نوٹیفکیشن میں کہا گیا ہے کہ کسی سرکاری ملازم کو حقائق یا رائے کا کوئی ایسا بیان دینے سے منع کیا گیا ہے جو شائع شدہ کسی دستاویز میں یا پریس کو کی گئی کسی بھی بات چیت میں یا کسی بھی عوامی بیان یا ٹیلی ویژن پروگرام یا ریڈیو نشریات میں حکومت کو شرمندہ کرنے کے قابل ہو۔