پنجاب میں آٹے کی قیمت میں ریکارڈ ساز کمی دیکھنے میں آئی ہے۔
فلور ملز نے 20 کلو آٹا تھیلے کی قیمت میں 200 روپے تک کمی کر دی ہے۔گزشتہ ہفتے بھی 80 روپے کمی کی گئی تھی، یوں مجموعی طور پر پنجاب میں 8 دن کے دوران آٹا قیمتوں میں 280 روپے کی کمی ہوئی ہے۔
پنجاب میں مختلف برانڈ ز 20 کلو آٹا تھیلا کی نئی قیمت (دوکان پہنچ) 2400 تا 2565 روپے مقرر کی گئی ہے۔ پنجاب میں نجی آٹا کی قیمت سرکاری آٹے سے نمایاں کم ہو چکی ہے۔
اینڈرائیڈ صارفین کو 28 خطرناک ایپس ڈیلیٹ کرنے کا مشورہ
حکومت نے دس کلو سرکاری آٹا تھیلا کی قیمت 1399 روپے جبکہ 20 کلو قیمت 2790 روپے مقرر کر
رکھی ہے ، نجی آٹا قیمتوں میں کمی اوپن مارکیٹ میں گندم قیمتوں میں کمی کے نتیجہ میں ہوئی ہے۔
محکمہ خوراک نے فلور ملز کیلئے گندم کی قیمت فروخت 4700 روپے فی من مقرر کر رکھی ہے لیکن گزشتہ روز لاہور میں کراچی سے آنے والی نئی دیسی گندم کی قیمت 4025 روپے تھی۔