پنجاب حکومت نے اپنی چھت، اپنا گھر کے نام سے میگا ہا وسنگ پراجیکٹ لانچ کرنے کا اعلان کر دیا۔
بجٹ دستاویز کے مطابق پہلے مرحلے میں ایک لاکھ گھر بنائے جائیں گے ، دو ارب کی لاگت سے ماحول دوست ای بسزمنصو بہ بھی شروع کرنے کا اعلان کیا گیا ہے۔
سیف سٹی پراجیکٹ کو 5 سال میں پنجاب کے تمام اضلاع تک لے جانے اور صحافیوں کے لیے ایک ارب روپے کی لاگت سے جرنلسٹ انڈ وومنٹ فنڈ کے قیام کا بھی اعلان کیا گیا ہے۔
دوسری جانب کسانوں کو ٹیوب ویل کے لئے سولر پینل دینے کا اصولی فیصلہ کر لیا گیا، وزیر اعلیٰ مریم نواز شریف نے پلان طلب کر لیا۔
وزیر اعلیٰ پنجاب مریم نواز شریف اور قائد مسلم لیگ ن محمد نواز شریف کی زیر صدارت خصوصی اجلاس منعقد ہوا، اجلاس میں کسانوں کو ٹیوب ویل کے لئے سولر پینل دینے کا اصولی فیصلہ کرتے ہوئے جامع پلان طلب کر لیا گیا۔