افغانستان سے دہشتگردوں کی پاکستان میں داخلے کی کوشش ناکام بنا دی گئی ہے۔
آئی ایس پی آر کے مطابق فائرنگ کے تبادلے میں 3دہشت گرد مارے گئے ہیں۔ہلاک دہشتگردوں کے قبضے سے اسلحہ، گولہ بارود اور دھماکاخیز مواد برآمد ہوا۔
افغانستان سے دہشتگردوں نے شمالی وزیرستان کے ضلع اسپین وام میں پاکستانی سرحدی چوکی پر فائرنگ کی۔
سیکیورٹی فورسز کی بھر پور جوابی کارروائی میں دہشتگردوں کو بھاری نقصان پہنچا۔فائرنگ کے تبادلے میں نائیک عبدالرؤف شہید ہوگئے۔
آئی ایس پی آر کا کہنا ہے پاکستان افغان عبوری حکومت کو موثر بارڈر مینجمنٹ کو یقینی بنانے کا بارہا کہتا رہا ہے۔
توقع ہے کہ افغان عبوری حکومت اپنی ذمہ داریاں پوری کرے گی ۔