سونے کی قیمت میں مسلسل تیسرے دن اضافہ

پاکستان اور عالمی مارکیٹ میں سونے کی قیمت میں مسلسل تیسرے دن اضافہ ہوگیا، فی تولہ نرخ 800 روپے اور فی اونس 8 ڈالر بڑھ گئے۔

آل پاکستان صراف اینڈ جیولرز ایسوسی ایشن سے جاری اعداد و شمار کے مطابق پاکستان میں سونے کی فی تولہ قیمت میں 800 روپے کا اضافہ ہوگیا، جس کے بعد نرخ 3 لاکھ 56 ہزار 900 روپے پر پہنچ گئی جبکہ دس گرام سونا 684 روپے بڑھ کر تین لاکھ 5 ہزار 984 روپے کا ہوگیا۔

ایسوسی ایشن کے مطابق انٹرنیشنل مارکیٹ میں فی اونس سونا 8 ڈالر مہنگا ہوکر 3 ہزار 385 ڈالر کا ہوگیا۔

رپورٹ کے مطابق فی تولہ چاندی کے نرخ 3482 روپے اور فی اونس 33 ڈالر پر برقرار ہیں۔

یاد رہے کہ گزشتہ ہفتے کے دوران سونے کی فی تولہ قیمت میں پاکستان میں فی تولہ سونے کی قیمت میں 6500 روپے اور فی اونس 65 ڈالر سستا ہوا تھا۔

دوسری جانب اپریل کے مہینے میں پاکستان میں سونے کی قیمت میں مجموعی طور پر فی تولہ 20800 روپے اور عالمی سطح پر فی اونس 195 ڈالر کا اضافہ ریکارڈ کیا گیا تھا۔

واضح رہے کہ تین روز کے دوران سونے کی فی تولہ قیمت میں 14 ہزار 700 روپے کا اضافہ ہوچکا ہے۔