By zakir shah 
اسلام آباد: پاکستان کی نئی کرپٹو پالیسی نے عالمی سطح پر توجہ حاصل کرلی، ماہرین کا کہنا ہے کہ کہ واشنگٹن اور برسلز نہیں، اسلام آباد کرپٹو پر نئی سمت دے رہا ہے۔
تفصیلات کے مطابق پاکستان کے اقدامات کے بعد اسرائیل کی پارلیمنٹ میں بٹ کوائن پر بحث ہوئی، ماہرین نے کہا کہ واشنگٹن اور برسلز نہیں، اسلام آباد کرپٹو پر نئی سمت دے رہا ہے۔
ماہرین کا کہنا تھا کہ پاکستان جنوبی ایشیا میں پہلا ملک ہے، جو کرپٹو ریگولیشنز پر سنجیدگی سےکام کررہاہے، پوارا کے قیام سے پاکستان خطے میں لیڈر بننے کے قریب ہے۔
ماہرین نے مزید کہا کہ پاکستان نےصرف 4ماہ میں کرپٹوسےمتعلق اپنی پالیسی میں نمایاں تبدیلی کی ہے اور پابندی سے ریگولیشن،قومی ریزرواورلائسنسنگ تک کا سفرطے کیا۔
ماہرین کے مطابق پاکستان کا کرپٹو ماڈل ترقی پذیر ممالک کے لیے مثال بن رہا ہے، نائیجیریا، ارجنٹینا اور بھارت بھی کرپٹو پرنظرثانی کررہے ہیں تاہم 2025 میں پاکستان کی قیادت عالمی کرپٹو بیانیہ تبدیل کر رہی ہے، کرپٹو اب صرف سرمایہ کاری نہیں حکمتِ عملی کا حصہ ہے۔
Asad ali