غریب کو ایک اور جھٹکا: دو معروف کمپنیوں نے اپنی موٹرسائیکلوں کی قیمتیں بڑھا دیں

وفاقی بجٹ 2025–26 میں حالیہ ٹیکس اصلاحات اور نئی انرجی وہیکل (NEV) لیوی کے نفاذ کے بعد پاکستان میں موٹر سائیکل کی قیمتوں میں ایک بار پھر اضافہ کر دیا گیا ہے۔

رپورٹ کے مطابق یاماہا اور یونیک نے اپنے موٹر سائیکل ماڈلز کی نئی قیمتوں کا اعلان کر دیا ہے، نئی قیمتوں کا اطلاق یکم جولائی 2025 سے ہوچکا ہے۔

یاماہا نے اپنی مکمل لائن اپ کی قیمتوں پر نظرثانی کی ہے۔ کمپنی نے قیمتوں میں اضافہ حکومت کے این ای وی لیوی اور سیلز ٹیکس میں رد و بدل کے بعد کیا ہے۔

وائی بی 125 زیڈ (ریڈ/بلیک) کی نئی قیمت 4 لاکھ 29 ہزار روپے مقرر کی گئی ہے، جس میں 65 ہزار 441 روپے سیلز ٹیکس اور 4 ہزار 57 روپے این ای وی لیوی شامل ہیں۔

وائی بی 125 زیڈ DX (ریڈ/بلیک/گری) اب 4 لاکھ 59 ہزار 500 روپے میں دستیاب ہے۔

مقبول ماڈل YBR125 (ریڈ/گری/بلیک) کی نئی قیمت 4 لاکھ 71 ہزار 500 روپے ہو گئی ہے۔

زیادہ مضبوط ماڈل YBR125G (بلیک) کی قیمت 4 لاکھ 90 ہزار 500 روپے جبکہ میٹ فنش ورژن کی قیمت 4 لاکھ 93 ہزار 500 روپے تک پہنچ چکی ہے جو یاماہا کی رینج میں سب سے مہنگی ہے۔

یونیک موٹر سائیکل: قیمتوں میں 3 ہزار روپے تک کا اضافہ

یاماہا کے بعد یونیک نے بھی اپنی موٹر سائیکلوں کی قیمتوں میں اضافہ کر دیا ہے، جو 18 جولائی 2025 سے لاگو ہو چکا ہے۔ کمپنی نے UD-70cc سیریز کے تمام ماڈلز کی قیمتوں میں 3 ہزار روپے کا اضافہ کیا ہے۔

یو ڈی 70 سی سی بیس ماڈل اب 1 لاکھ 21 ہزار 500 روپے میں دستیاب ہے۔

یو ڈی 70 سی سی Extreme Plus کی قیمت 1 لاکھ 25 ہزار روپے ہو گئی ہے۔

اسپیشل ایڈیشن اب 1 لاکھ 28 ہزار 500 روپے میں دستیاب ہوگا۔

اس کے علاوہ Extreme Plus with Alloy Rims کی قیمت 1 لاکھ 35 ہزار روپے مقرر کی گئی ہے۔

اور سب سے مہنگا ماڈل سیلف اسٹارٹ ویرینٹ Selfstart variant، اب 1 لاکھ 47 ہزار روپے میں دستیاب ہے۔

صارفین پر مزید بوجھ

موٹر سائیکل کی قیمتوں میں اس نئے اضافے سے عام صارفین پر مالی بوجھ میں مزید اضافہ ہو گا، خاص طور پر ایسے وقت میں جب پہلے ہی پیٹرول کی قیمتیں، مہنگائی اور بجٹ میں نئے ٹیکس عوامی مشکلات کو بڑھا رہے ہیں۔