آج سے 25 جولائی تک مختلف علاقوں میں سیلابی صورتحال کا الرٹ جاری

این ڈی ایم اے نے آج سے 25 جولائی تک مختلف علاقوں میں سیلابی صورت حال کا الرٹ جاری کردیا۔

این ڈی ایم اے کا کہنا ہے کہ خیبرپختونخوا میں 25 جولائی تک وقفے وقفے سے بارشیں متوقع ہیں، دریائے کابل، سوات، پنجکوڑہ، کالپنی نالہ اور بارہ نالہ میں طغیانی کا خطرہ ہے۔

نوشہری، مالاکنڈ، سوات، دیر میں سیلابی صورت حال اور لینڈ سلائیڈنگ کا خدشہ ہے، اسلام آباد اور پنجاب کے مختلف شہروں بشمول راولپنڈی، لاہور میں شدید بارشیں متوقع ہیں۔

سیالکوٹ، فیصل آباد، ملتان، خانیوال، ساہیوال، مظفرگڑھ میں شدیدبارشوں کی پیشگوئی کی گئی ہے، کوٹ ادو، تونسہ، راجن پور، بہاولپور، اور رحیم یار خان میں شدید بارشوں کا امکان ہے۔