By zakir shah 
کراچی میں مون سون میں کم بارشوں کے باعث فضا آلودہ ہونے سے دمہ اورپھیپھڑوں کے امراض میں اضافہ ہوگیا۔
اسپتال حکام کے مطابق سانس کے مریضوں میں 30 فیصد اضافہ ہوا ہے اور روز 10 مریض نجی اسپتال آرہے ہیں جب کہ سرکاری اسپتالوں میں سانس کے امراض کے ساتھ یومیہ 80 سے زائد مریض آرہے ہیں۔
ماہر امراض تنفس ڈاکٹر جاوید خان نے بتایا کہ مرطوب موسم کے باعث دمہ اور سانس کی تکلیف بڑھ رہی ہے اور بارش نہ ہونے سے ائیرکوالٹی انڈیکس بھی بہتر نہیں ہوسکا۔
ڈاکٹر جاوید خان کے مطابق ہوا میں نمی بڑھنے سے آکسیجن کی مقدار متاثر ہوتی ہے جس کی وجہ سے سانس کی نالیاں سکڑنے سے دمہ اورپھیپڑوں کے امراض شدت اختیار کرتے ہیں۔
انہوں نے شہریوں کو ہدایت کی کہ شہری ماسک کا استعمال کریں، خود کو آلودہ فضا اوردھوئیں سے بچائیں، اس کے علاوہ سانس کی الرجی میں ٹھنڈی چیزوں، ٹھنڈے مشروبات یا آئس کریم سے پرہیز کریں۔
Asad ali