بلوچستان کی آواز ۔ سنگلاخ پہاڑوں کا ترجمان
کراچی : شوہر کے تشدد کا شکار نوبیا ہتادلہن دم توڑ گئی ، مقتولہ کی شادی 16 جون کواشوک سے ہوئی تھی اور واقعہ 17 جون کو پیش آیا تھا ۔
تفصیلات کے مطابق کراچی کے علاقے لیاری شاہ بیگ لین میں شوہر کے تشدد کا شکار نوبیا ہتادلہن شانتی اسپتال میں دم توڑ گئی۔
پولیس نے بتایا کہ 19 سالہ شانتی نے سول اسپتال ٹراما سینٹر میں دم توڑا ، شوہرکے بہیمانہ تشدد کا شکار 19سالہ شانتی تشویشناک حالت میں مقامی اسپتال میں زیرعلاج تھی
مقتولہ کی شادی 16 جون کواشوک سے ہوئی تھی اور واقعہ 17 جون کو پیش آیا تھا، ملزم نے لڑکی کے جسم کے مختلف حصوں کو کاٹا تھا جس سے اس کی حالت انتہائی تشویشناک ہوگئی تھی۔
بعد ازاں بغدادی پولیس نے ملزم اشوک کو گرفتارکرلیا، پولیس کا کہنا ہے کہ ملزم اشوک کیخلاف لڑکی کے بھائی کی مدعیت میں مقدمہ درج کرکے ملزم کو جیل بھیج دیا گیا ہے۔
یاد رہے چند ماہ قبل محمود آباد کے علاقے کشمیر کالونی میں گھر سے نئی نویلی دلہن کی لاش ملی تھی۔
پولیس حکام نے بتایا کہ متوفیہ کی 3 روز قبل شادی ہوئی تھی لیکن جسم پر تشدد کا کوئی نشان نہیں ہے، لواحقین کا بیان ہے کہ متوفیہ کو سانس کا عارضہ تھا۔
دلہن کے لواحقین نے پولیس حکام کو بتایا تھا کہ متوفیہ کو اکثر دورے پڑنے کی شکایت بھی رہتی تھی۔
Asad ali