استعمال شدہ گاڑی خریدنے والوں کیلیے اہم خبر

پاکستان میں استعمال شدہ گاڑی خریدنا اور بیچنا عام ہے کیونکہ خریدار کم قیمت پر کار کا مالک بن جاتا ہے جبکہ بیچنے والے کو اپ گریڈ کرنے کا موقع ملتا ہے۔

لیکن استعمال شدہ گاڑی خریدنے والے کو انتہائی محتاط رہنا چاہیے اور اسی حوالے سے پنجاب سیف سٹی اتھارٹی (پی ایس سی اے) نے پرانی گاڑیاں خریدنے والوں کیلیے کچھ اہم ہدایات جاری کی ہیں۔

پی ایس سی اے نے ایڈوائزری جاری ہے جس میں شہریوں پر زور دیا گیا ہے کہ وہ پرانی گاڑی کو خریدنے سے پہلے اس کا ای چالان ضرور چیک کریں۔

اتھارٹی نے ہدایت کی کہ گاڑی فروخت کرنے کے بعد اس کی بروقت ملکیت کی منتقلی کو یقینی بنایا جائے۔ اس اقدام کا مقصد خریداروں اور فروخت کنندگان کو غیر متوقع قانونی پیچیدگیوں اور بلا معاوضہ ٹریفک جرمانے سے بچانا ہے۔