By zakir shah 
بابو سر ٹاپ پر سیلابی ریلے میں بہہ کر جاں بحق ہونے والے فہد اسلام کے بیٹے عاصم فہد نے بتایا کہ پانی کا ریلا آیا توپہاڑکے نیچے چھپنے کی کوشش کی تھی تاہم چچی مشعال فاطمہ اور عبد الہادی کو بچانے کے لیے والد نے پانی میں چھلانگ لگا دی۔
2 روز قبل لودھراں سے پکنک منانے کیلئے جانے والی فیملی اسکردو سے واپس آتے ہوئے بابوسرٹاپ کے مقام پر سیلاب میں بہہ گئی تھی، ریلے میں بہہ کر ڈاکٹر مشعال اور ان کا دیور فہد اسلام جاں بحق ہوئے تھے، ریلے میں ڈاکٹر مشعال فاطمہ کا 3 سال کا بیٹا عبدالہادی بھی بہہ گیا تھا جو تاحال لاپتا ہے۔
اس حوالے سے جاں بحق ہونے والے فہد اسلام کے بیٹےعاصم فہد نے بتایا کہ ریلا آیا توپہاڑکے نیچے چھپنے کی کوشش کی، چچی مشعال اورعبدالہادی کوبچانے کے لیے والد نے پانی میں چھلانگ لگائی۔
میڈیا سے گفتگو کے دوران فیملی ممبر ڈاکٹر حفیظ اللہ کا یہ بھی کہنا تھا کہ اسپتال میں2 روز سے بجلی نہیں ہے جس کے باعث برف کے بلاک رکھ کرلاشوں کو محفوظ رکھا جا رہا ہے،حکومت لاشوں کو لودھراں پہنچانے کے لیے انتظامات کرے۔
Asad ali