By zakir shah 
حساس ادارے نے خفیہ اطلاع پر کارروائی کرتے ہوئے سرکاری ادویات اور نان ڈیوٹی پیڈ سگریٹ برآمد کرلی۔
تفصیلات کے مطابق پتوکی میگہ روڈ پر حساس ادارے کی خفیہ اطلاع پر 2 کامیاب کاروائی میں بڑی تعداد میں سرکاری ادویات اور نان ڈیوٹی پیڈ سگریٹ برآمد سگریٹ کی مالیت 3 کروڑ سے زائد ہے۔
حساس ادارے کامیاب کاروائیاں خفیہ اطلاع پر کی، پہلی کارروائی ایک کریانہ اسٹور پر کی گئی جہاں سے بڑی مقدار میں سرکاری ادویات برآمد ہوئیں۔
یہ برآمد ہونے والی ادویات DDHO آفس پتوکی سے چوری کر کے کریانہ اسٹور پر رکھی گئی تھیں جہاں سے مختلف میڈیکل اسٹور کو فروخت کی جانی تھیں۔
دوسری کامیاب کارروائی نجی گودام میں کی گئی جہاں سے نان کسٹم پیڈ پاکستانی برینڈ کے سگریٹ کے 350 سے زائد کاٹن برآمد کئے گئے، سگریٹ کی مالیت 3 کروڑ سے زائد بتائی جا رہی ہے جسے حساس ادارے نے قبضے میں لے لیا۔
سرکاری ادویات کی چوری پر DDHO ڈاکٹر عدنان کی مدعیت میں ڈرائیور امتیاز حسین اور کریانہ اسٹور کے مالک رضوان اسلم کے خلاف سرکاری ادویات کی چوری کا مقدمہ تھانہ سٹی پتوکی میں درج کر لیا گیا۔
یہ بات قابل ذکر ہے کہ اتنی بڑی تعداد میں سرکاری ادویات کس طرح چوری ہوئیں جس کی انکوائری اور ذمہ داران کا تعین کر کے ان کے خلاف سخت کاروائی کی جانہ چائیے۔ پولیس کے مطابق ملزمان موقع سے فرار ہو گئے جن کی گرفتاری کے لیے چھاپے مارے جا رہے ہیں۔