By zakir shah 
نیویارک: اقوام متحدہ میں بھارتی الزامات پر پاکستانی سفیر عثمان جدون نے کرارا جواب دیا ہے۔
تفصیلات کے مطابق پاکستانی سفیر عثمان جدون نے اپنے بیان میں کہا کہ بھارت جموں و کشمیر پر غیر قانونی قابض ہے، بھارت سلامتی کونسل کی قراردادوں کی مسلسل خلاف ورزی کر رہا ہے۔
پاکستانی سفیر نے کہا کہ بھارت پاکستان اور دیگر ممالک میں دہشتگردی کی سرپرستی کرتا ہے، بھارت اقلیتوں پر مظالم ڈھا رہا ہے، انسانی حقوق کی خلاف ورزیوں کا مرتکب ہورہا ہے۔
پاکستانی سفیر عثمان جدون کا کہنا تھا کہ بھارت سندھ طاس معاہدہ غیر قانونی طور پر معطل کرنے کی کوشش کر رہا ہے، بھارت نے 7 سے 10 مئی کے دوران پاکستان پر کھلی جارحیت کی۔
عثمان جدون نے کہا کہ پاکستان نے فوجی اہداف کو نشانہ بنا کر مؤثر جواب دیا، 6 بھارتی طیارے تباہ کئے، بھارتی کارروائیوں کا خاتمہ پاکستان کے مضبوط مؤقف اور امریکی کردار سے ممکن ہوا، بھارت حقیقت کا سامنا کرے، الزام تراشی سے باز رہے۔