بلوچستان کی آواز ۔ سنگلاخ پہاڑوں کا ترجمان
پاکستانی ایئرلائنز پر پانچ سال سے عائد برطانوی پابندی ہٹنے کا امکان ہے۔
برطانوی محکمہ ٹرانسپورٹ ڈی ایف ٹی کی تین رکنی ٹیم پاکستان پہنچ گئی، برطانوی ٹیم سی اے اے کے ساتھ مل کر اسلام آباد ایئرپورٹ کا سیکیورٹی آڈٹ کرے گی۔
برطانوی ٹیم اسلام آباد سے برطانیہ جانے والی پروازوں کی جانچ پڑتال کرے گی، برطانوی محکمہ ٹرانسپورٹ 10 جولائی تک آڈٹ مکمل کرے گی۔
ایئرپورٹ سے برطانیہ کے لیے براہ راست پروازوں کی بحالی کا فیصلہ ہوگا۔
پاکستان سے پروازوں کی اجازت پر برطانوی ایئر سیفٹی کمیٹی کا اجلاس بھی اسی ماہ ہوگا۔
واضح رہے کہ 29 نومبر 2024 کو یورپین یونین ایئر سیفٹی ایجنسی (ایاسا) نے پاکستان انٹرنیشنل ایئر لائن (پی آئی اے) کے یورپ میں فلائٹ آپریشن سے پابندی اٹھالی تھی۔
10 جنوری 2024 کو پی آئی اے کا یورپ کے لیے فلائٹ آپریشن ساڑھے 4 سال بعد بحال ہوگیا تھا، اسلام آباد سے پرواز نمبر پی کے 749 میں سوار 323 مسافر پیرس پہنچے تھے۔
پی آئی اےکی پرواز پیرس کے چارلس ڈیگال ایئرپورٹ پر اترنے کے موقع پر بھی خصوصی استقبال کیا گیا تھا۔
16 مارچ کو اے آر وائی نیوز نے برطانیہ میں پاکستانی ہائی کمشنر محمد فیصل کے حوالے سے رپورٹ کیا تھا کہ عیدالفطر کے بعد یورپی یونین کی پابندی ہٹانے کے بعد پاکستان انٹرنیشنل ایئرلائنز برطانیہ کے لیے پروازیں دوبارہ شروع کرے گی۔
Asad ali