By Asad ali 
کراچی کے مختلف علاقوں میں گرج چمک کے ساتھ تیز بارش سے گرمی کا زور ٹوٹ گیا، کئی علاقوں میں بجلی غائب ہوگئی۔
ڈان نیوز کے مطابق جمعرات کی شب ملیر، گلشن معمار، گلشن حدید، گلستان جوہر، نیوکراچی، صدر ، آئی آئی چندریگر روڈ ، اور دیگر علاقوں میں ہلکی اور تیز بارش کا سلسلہ جاری ہے۔
سعدی ٹاؤن ،ملیر کینٹ ،صفورہ چورنگی ،یونیورسٹی روڈ، ناظم آباد، فیڈرل بی ایریا،عزیز آباد طارق روڈ، بحریہ ٹاؤن ،گڈاپ ،نارتھ کراچی ،سرجانی میں بھی تیز بارش کا سلسلہ جاری ہے۔
بار ش کے باعث گرمی کا زور ٹوٹ گیا ہے جس سے شہریوں نے سکھ کا سانس لیا ہے۔
دوسری جانب بارش ہوتے ہی کے الیکٹرک کے 300 فیڈر ٹرپ کرگئے جس سے گلشن اقبال، نارتھ کراچی ، ناظم آباد، سرجانی، گڈاپ، گلشن معمارکےعلاقے تاریکی میں ڈوب گئے۔
لیاقت آباد، کورنگی، اولڈ سٹی ایریا اور جمشید روڈ کے علاقوں میں بھی بجلی غائب ہوگئی جس سے شہریوں کو مشکلات کا سامنا ہے۔