By zakir shah 
کوالالمپور: تھائی لینڈ اور کمبوڈیا کے درمیان جاری مزاکرات میں دونوں ممالک نے غیر مشروط جنگ بندی پر اتفاق کرلیا۔
تھائی لینڈ اور کمبوڈیا نے ملائیشیا کے دارالحکومت کوالالمپور میں ہونے والے مذاکرات میں جنگ بندی پر اتفاق کرلیا ہے۔
رپورٹ کے مطابق مذاکرات میں تھائی لینڈ کے قائم مقام وزیراعظم، کمبوڈیا کے وزیراعظم اور ملائیشین وزیراعظم انور ابراہیم شریک ہوئے جب کہ امریکا اور چین کے سفیر بھی مذاکرات میں موجود تھے۔
بعد ازاں ملائیشین وزیر اعظم انور ابراہیم نے اعلان کیا کہ تھائی لینڈ اور کمبوڈیا غیر مشروط جنگ بندی پر متفق ہوگئے ہیں۔
ملائیشین وزیر اعظم نے کہا کہ امریکی صدر نے دونوں رہنماؤں سے پرامن حل تلاش کرنے کی اپیل کی اور دونوں فریقوں نے براہ راست رابطے بحال کرنے پر اتفاق کیا۔
اس موقع پرکمبوڈین وزیر اعظم کا کہنا تھا کہ مذاکرات اچھے رہے ،امید ہے کہ فوری طور پر لڑائی کو روک دیا جائے گا۔
تھائی لینڈ اور کمبوڈیا کے درمیان سرحدی جھڑپوں میں اب تک 35 افراد ہلاک اور 3 لاکھ سے زائد بے گھر ہو چکے ہیں۔