By Asad ali 
امریکی صدر ڈونلڈ ٹرمپ نے اپوزیشن جماعت ڈیموکریٹس پر سنگین الزامات عائد کرتے ہوئے کہا ہے کہ ایران کی جوہری تنصیبات پر کیے گئے امریکی حملے کی خفیہ تفصیلات لیک کی گئی ہیں۔
ٹرمپ نے کہا کہ معلومات حملے کے فوراً بعد سامنے آئیں، جنہیں صرف مخصوص حلقوں تک محدود رکھا گیا تھا، ڈیموکریٹس نے قومی سلامتی کے خلاف کام کیا ہے اورانکے اس اقدام پرفوری قانونی کارروائی ہونی چاہیے۔
انہوں نے کہا کہ ایسی حساس معلومات کا افشاء دشمن کو فائدہ پہنچاتا ہے، جس پر خاموش نہیں رہا جا سکتا۔
ڈیموکریٹس کی جانب سے تاحال کوئی ردِعمل سامنے نہیں آیا، تاہم واشنگٹن میں سیاسی درجہ حرارت مزید بڑھنے کا امکان ہے۔