By zakir shah 
حکومت نے چینی کے بحران اور قیمتوں میں استحکام کے لیے شوگر ملز ایسوسی ایشن کے نمائندوں کا اجلاس آج بلالیا۔
حکومت اور شوگر ملز ایسوسی ایشن کے نمائندوں کا اہم اجلاس آج ہوگا جس میں طے کیا جائے گاکہ عوام کو مقررہ قیمت پرچینی دینےکے معاہدے پرعمل کیسے کرایا جائے؟
دوسری جانب حکومت کی جانب سے چینی کی ایکس مل قیمت 165روپے اور ریٹیل قیمت 173 روپے مقرر کرنے کے باوجود عوام کو سستی چینی میسر نہیں۔
چینی اب بھی ہول سیل میں 174روپے میں فروخت ہورہی ہے اور ریٹیل میں 180سے 190 روپے میں مل رہی ہے۔
پشاور میں چینی کی ہول سیل قیمت175روپے اور ریٹیل قیمت 180روپے فی کلو ہے جب کہ کوئٹہ میں چینی ہول سیل میں 178 روپے اور ریٹیل میں 185سے 190روپے فروخت کی جارہی ہے۔
ادھر لاہور اور اسلام آباد کے کئی بازاروں سے چینی غائب ہوچکی ہے جس کے باعث عوام مارکیٹوں کا چکر لگانے پر مجبور ہیں۔
علاوہ ازیں کمشنر کراچی نے چینی کی ہول سیل قیمت 170 اور ریٹیل قیمت 173 روپے مقر ر کی ہے۔
Asad ali