By zakir shah 
اقوام متحدہ میں پاکستانی مستقل مندوب عاصم افتخار کا کہنا ہے کہ افغانستان سے جنم لینے والی دہشت گردی پاکستان کیلئے خطرہ ہے افغان سرزمین پاکستان کے خلاف استعمال ہورہی ہے۔ محفوظ پناہ گاہوں کا خاتمہ یقینی بنانا ہوگا۔
اقوام متحدہ میں پاکستانی مستقل مندوب عاصم افتخار نے جنرل اسمبلی سے خطاب میں کہا کہ کالعدم ٹی ٹی پی افغان سرزمین سے پاکستان کے لیے براہ راست خطرہ ہے۔ پاکستان اپنےعوام کے تحفظ کیلئےتمام ممکنہ اقدامات جاری رکھے گا۔
عاصم افتخار القاعدہ، فتنہ الخوارج، کالعدم ٹی ٹی پی، بلوچ شدت پسند افغانستان میں سرگرم ہیں، کالعدم ٹی ٹی پی پاکستان کے لیے براہ راست خطرہ ہے، افغانستان دہشت گردوں کی محفوظ پناہ گاہ نہ بنے۔
انہوں نے کہا کہ داعش افغان عبوری حکومت کو نشانہ بنارہی ہے، افغانستان کسی بھی ملک کیخلاف دہشتگردی کیلئےاستعمال نہیں ہونا چاہیے، کالعدم ٹی ٹی پی، داعش نہ صرف ہمارے لیے بلکہ پوری دنیا کیلئے خطرہ ہیں، ہمیں افغان سرزمین سے ٹی ٹی پی کے دہشتگردوں کی دراندازی کی کوششوں کاسامناہے۔
عاصم افتخار کا کہنا تھا کہ افغانستان میں چھوڑے گئے ہتھیارپاکستان کے خلاف حملوں میں استعمال ہورہے ہیں، عالمی برادری افغان عبوری حکومت کو وعدوں پر کاربند بنانے کیلئے مشترکہ بات کرے۔