By Jalil وزیر اعظم شہبازشریف کا کہنا ہے کہ بجٹ میں تنخواہ دار طبقے، پنشنرز اور مزدوروں کو ریلیف دیا ہے۔
انہوں نے یہ بات وزیرِ خزانہ محمد اورنگزیب سے ملاقات کے دوران کہی، اس موقع پر وزیر اعظم نے وزیرخزانہ کی عوام دوست بجٹ 25-2024 کی منظوری پر پذیرائی کی اور تمام متعلقہ وزارتوں کے افسران کی بجٹ کی تیاری کیلئے کوششوں کو سراہا۔
وزیراعظم نے کہا کہ بجٹ اجلاس میں حکومت، اتحادی ارکان اور حزب اختلاف سب نے بھرپور حصہ لیا، امید کرتے ہیں بجٹ پاکستان کیلئے ترقی و خوشحالی میں معاون ثابت ہوگا۔
ان کا کہنا تھا کہ موجود وسائل کو بروئے کار لاتے ہوئے عام آدمی کو ریلیف دینے کی کوشش کریں گے،بجٹ میں صحت، تعلیم، زراعت اور آئی ٹی شعبے کی ترقی پر خصوصی توجہ دی ہے۔
zakir shah