By Jalil جیکب آباد میں پارہ 52 ڈگری تک پہنچ گیا، لو کے باعث شہر،بازار سنسان، درجنوں لوگ بے ہوش ہوگئے۔
اتوار کے روز جیکب آباد ملک کا گرم ترین مقام رہا جہاں درجہ حرارت52 سینٹی گریڈ ریکارڈ کیا گیا ہے درجہ حرارت بڑھنے کے ساتھ لو چلنے کے باعث شہر کی مارکیٹیں اور سٹرکیں سنسان ہوگئی ہیں اور کاروبار زندگی مفلوج ہوکر رہ گیا، شدید گرمی کے باعث درجنوں افراد کے بے ہوش ہونے کی اطلاعات موصول ہوئی ہیں جبکہ شہر میں سماجی تنظیموں کی جانب سے لوگوں کو گرمی سے بچانے کے لئے ٹھنڈے پانی کی سبلیں قائم کی گئی ہیں۔
شہر میں بجلی کی بدترین لوڈشیڈنگ کا سلسلہ بدستور جاری ہے شہری علاقوں میں 16 گھنٹے جبکہ دیہی علاقوں میں 20 گھنٹوں تک لوڈشیڈنگ کی جاری ہے جس کی وجہ سے لوگ شدید اذیت کا شکار ہیں، بجلی کی لوڈشیڈنگ کے باعث شہر میں پینے کے پانی اور برف کی قلت پیدا ہوگئی ہے جس کی وجہ سے شہری بلبلا اٹھے ہیں۔
دوسری جانب محکمہ موسمیات نے اگلے دو روز کے دوران ملک کےبیشتر میدانی علاقے شدید گرمی کی لہرکے زیر اثرر ہنے کی پیشگو ئی کی ہے۔ آج زیادہ سے زیادہ درجہ حرارت جیکب آباد 52، دادو 51، خانپور، خیرپور، لاڑکانہ، پڈعیدن، سکھر، سبی، روہڑی 50، رحیم یار خان، بھکر، ڈی جی خان، کوٹ ادو، شہید بینظیر آباد 49، ملتان، ڈی آئی خان، تربت 48، سکرنڈ، بہالپور ، بہاولنگر، جھنگ، جوہرآباد، لیہ، قصوراور نور پور تھل میں 47ڈگری سینٹی ریکارڈ کیا گیا۔
Asad ali